Nemngheh · 4 December 2022

Kohhran Upa

Elected on 14 August 2022, examined in November, and ordained on 4 December 2022 — the first ordination of elders in a Mizo non-denominational church. How the office came about.

Upa (Elder) hi Kohhran memberte thlan, Kohhran a rawngbâwlna dinhmun nghet chelh tûr a General Body in a thlanchhuahte an ni. Executive Committee ah Ex-officio niin, Puipa Committee ah member an ni. BMCF rawngbâwlna ah neitu chan an chang ṭhîn a, Kohhran serh leh sang khawih chungchângah Ordained Minister te an pui ṭhîn a, Kohhran chawmna leh enkawlna kawngah mawhphurtu an ni.

Nine were nominated and four elected by secret ballot at the Sunday service of 14 August 2022, each with more than half the votes cast. They sat the Upa Exam — three papers, on I and II Timothy, the Dânbu, and the duties of a servant of the church — and were ordained on 4 December 2022 before some 245 people, with ministers and members of the Kuki, Zomi and Hmar fellowships of Bangalore present.

IAS (Retd) · Chairman 2002–03, 2018–21

Upa B. Kapthuama

Kum 1937-ah Kaihruilian khuaah a lo piang a. Mizopa chhuanawm ber te zinga mi a tih theih ang a, lehkha thiam thei tak a ni. Hna hrang hrang a thawh hnuin kum 1963 khân Indian Army-ah Captain hna a chelh a, kum 1968 thleng a thawk. Kum 1968 vek hian Indian Administrative Service (IAS) ah a lut a, kum 1998 a pension thlengin a thawk ta a ni.

Mizoramah chuan Presbyterian Kohhran an ni a; a pa chu Kohhran upa niin, a unau te pahnih pawh Kohhran Upa an awm bawk. Sawrkâr hna a thawh chhûngin Prison Fellowship India, World Vision India leh UESI te Board-ah a ṭhû a; a pension hnuin FMPB, INTERSERVE, Ramabai Mukti Mission leh CONCERN India ah a ṭhû leh a ni.

BMCF-ah hian Chairman chanvo kum thum (2002–03, 2019–2021) chhung a chelh tawh a. An chenna Koramangala Methodist Church-ah pawh Kohhran puipa a ni mek a, an Biak In chu ama kaihhruaina leh hmalakna-in a sak a ni nghe nghe.

BMCF Office Bearer chanvo chelh tawhte
Finance Secretary (2000–01)
Chairman (2002–03, 2018–21)

Chairman · YWAM 1992 aṭangin

Upa Josiah Lalchhanhima Ralte

Kum 1974-ah Churachandpur-ah a lo piang a, kum 2 a nihin Mizoramah an pem. A pai pawh a nih hma hauhin a nu leh pa te’n Pathian hnenah, “Fa chhul keu atan fapa min pek chuan hun pum a rawngbâwl turin kan hlan ang,” tiin an lo serhhrang tawh a. Chutiang zelin kum 1992 aṭang khân vawiin thlengin Youth With A Mission (YWAM) ah a thawk ta a ni.

Secular lam zirna engemaw chen a kal hnuin Pathianin a kohna lam, Pathian thu zirna lamah a kal ta zawk a. University of the Nations-ah kum 2003-ah Singapore-ah Bachelor of Arts in Counselling and Family Therapy degree la-in a graduate a ni.

Hun pum rawngbâwlnaa kum 30 chuang a lo awm tawhnaa, a ngaih pawimawh êm êm chu Thupek Ropui (The Great Commission) tihlawhtlin a ni. BMCF Kohhran Komiti-ah kum 2006 aṭanga vawiin thlengin a la awm a ni.

BMCF Office Bearer chanvo chelh tawhte
Finance Secretary (2010–11)
Treasurer (2011–12)
Secretary (2011–14, 2015–17, 2019–21)
Assistant Secretary (2017–19)
Chairman (2021–23, 2025 aṭangin)
Vice Chairman (2023–25)

Vice Chairman · Secretary 2017–19, 2023–25

Upa Laldinfela Pachuau

Kum 1979-ah Serkawn Hospital, Lunglei-ah a lo piang a; kum 13 a nihin Aizawlah an pem. Kum 18 a nihin Karnataka-ah lehkha zir zawm turin a rawn chhuk a, Davangere-ah BE Computer Science a zir a ni.

Kum 2003 aṭang khân industry hrang hrangah a thawk chho ṭan a. Technology Publication Company, PC World Magazine tân kum 2007 khân Technology Journalist-in a thawk a — India rama mi 600 chuangin an apply na a, mi 5 thlanchhuah zingah Pathian zarah a tel ve a ni. Kum 5 vel a thawh hnuah IT industry lamah a lut leh a, tûnah hian IT start-up pakhatah leadership role a chelh mek a ni.

Kum 2012 khân piantharna a châng a; piantharna neih pawimawh zia leh Pathian chauh ropuinâna ringtu chu nung tur a ni tih hi a thupui ber a ni. Kum 2012 aṭanga vawiin thlengin BMCF-ah Kohhran Komiti rawngbâwlna a chelh a ni.

BMCF Office Bearer chanvo chelh tawhte
Treasurer (2014–16, 2021–23)
Assistant Secretary (2016–17, 2019–21)
Secretary (2017–19, 2023–25)
Vice Chairman (2025 aṭangin)

Secretary · Chairman 2023–25

Upa Lawmna Kima

Kum 1984-ah Darlawn khuaah a lo piang a. Kum 2006-ah Dr. AIT, Bangalore aṭangin BE a zo a, kum 2006 vek hian IT lamah hna a thawh chhunzawm nghal a; kum 2016-ah Data Science-ah Postgraduate a zo ve leh a ni.

Mizoramah chuan Salvation Army Kohhrana lawi an ni a, a rawlthar chhuah aṭangin Kohhran a theih ang tawkin a inhmang ṭhîn. Kum 2008–09 khân Delhi Mizo Ṭhalai Inkhâwm-ah hruaitu nihna chanvo, Bial Secretary leh Delhi Mizo Inkhâwm Chanchinbu editor hna te a thawk.

Kum 2009–2018 inkarah Pune Mizo Christian Fellowship-ah Secretary hna kum 5 (2011–14, 2016–18) chhung a chelh. Kum 2018-ah Bangalore-ah a lo awm leh a, hemi chhung hian BMCF Ṭhalai Pâwl convener chanvo kum hnih (2019–21) leh BMCF Secretary a chelh tawh bawk a ni.

BMCF Office Bearer chanvo chelh tawhte
Secretary (2021–23, 2025 aṭangin)
Chairman (2023–25)

Sources: the Upa Nemngheh Inkhâwm booklet, 4 December 2022; the Golden Jubilee Souvenir’s Upa-te Chanchin, with its photographs; and the Executive Committee minutes of 2022 for the dates; and, for the offices each has held, the souvenir’s register of office bearers with the 2026–27 register. Condensed to life and ministry. The photograph behind the masthead is the four Upa with Rev. Khiangnunfima, who ordained them, on 4 December 2022 — “2022 Upa Nemngheh 2” in the fellowship’s photo archive.

Loading…