Upa te
Upate hi hriakthih leh nemngheh ngei niin, BMCF inrelbawlna leh rawngbâwlna-a dinhmun pawimawh chelhtute an ni a, kohhran serh leh sang khawih chungchânga ordained minister te puitu an ni.
Upa pali te ↓Loading…
Golden Jubilee Souvenir · 1975 – 2025
Who the fellowship is and what it does — in the fellowship’s own words. About tells the story; this is the anatomy.
Bangalore Mizo Christian Fellowship (BMCF) hi kum 1975 khân Bangalore-a Mizo zawng zawngte tan Pathian Biak hona hun neih a nih theihna tur atana mi thahnemngaiten an din a ni. BMCF chu non-denominational church a ni a, chhûngkaw hrang leh kohhran hrang hrang kalkhawm ni mah se, inlungrual lohna te awm lovin rual taka kê pên tlângin Pathianin a ropuina a puang zel a.
BMCF Thupui (Motto) atan ‘Koinonia’ hmangin, Pathian ram tizau tur leh a ropuina tilang tura kê a pen theihnân thiltum sâwm (10) a nei a. Inkaihhruai nân dân bu fel tak a duang a — member nih theih dân aṭanga hruaitute leh an mawhphurhna, hruaitu thlan dân, sum leh property enkawl dân, serh leh sang, chhiatni ṭhatni inrelbawl dân thlengin inkaihhruaina fel tak a zam a ni.
Upate hi hriakthih leh nemngheh ngei niin, BMCF inrelbawlna leh rawngbâwlna-a dinhmun pawimawh chelhtute an ni a, kohhran serh leh sang khawih chungchânga ordained minister te puitu an ni.
Upa pali te ↓BMCF hian hun puma tualchhung enkawlna hna thawktu tur Chaplain a nei a. Chaplain tur hi uluk taka endik an nih hnuah lak ṭhîn a ni a; an term tawp hnuah dilna te tihchhuak lehin, ṭawngṭaina nen Chaplain tur lak ṭhîn a ni.
Chaplain te ↓BMCF hian Serh leh Sang pawimawh tak hman a nei a, chungte chu — Baptisma, Lalpa Zanriah Sacrament leh Nau hlan te a ni.
Chhiatni ṭhatni inrelbawldân felfai takin a duang a — mitthi vui leh thlan ṭhut, damlo kanna leh inneihna chungchângah dân felfai tak a nei a ni.
Every member elects; the elected form the committee; the committee appoints the rest.
Upa (Elder) hi Kohhran memberte thlan, Kohhran a rawngbâwlna dinhmun nghet chelh tûr a General Body in a thlanchhuahte an ni. Executive Committee ah Ex-officio niin, Puipa Committee ah member an ni. BMCF rawngbâwlna ah neitu chan an chang ṭhîn a, Kohhran serh leh sang khawih chungchângah Ordained Minister te an pui ṭhîn a, Kohhran chawmna leh enkawlna kawngah mawhphurtu an ni.
Upa thlan theihte chu BMCF member kum 30 chin chunglam, BMCF inkhâwm leh thiltih ngai pawimawh mi, rinna kawnga mi kaihhruai thei mi an ni tûr a ni. Upa nihna hi General Body chauhin a tihtâwp thei a ni.
August 10, 2019 Kohhran Komiti-ah Dânbu ennawn rawt a ni a, Drafting Committee ruat a ni. November 9, 2019-ah “Tual Upa neih chungchâng” chu pawm a ni. Dân endiktu Ordained Minister te leh hruaitu hlun ṭhenkhatten uluk takin an zirchiang a, Upa neih ṭha an tih thu an sawi.
Special Executive Committee Meeting-ah BMCF dintu zinga mi Rev. Dr. F. Hrangkhuma leh Rev. Dr. K. Sapthanga te co-opted-in sawm an ni a. Kan Senior pahnih te hian ngun takin min enpui a, Kohhran Upa neih rawtna leh ruahmanna chu min pawmpui a ni.
Covid hripui avângin member rorel inkhâwm tlai mah se, Upa neih theihna dân hi member rorel inkhâwmah lungrual takin pawm a ni ta a ni. Upa thlan dân te chu March 13, 2022 General Body Meeting-in a pawm.
Kohhran inkhâwmnaah lehkha ziak (secret ballot)-in thlan a ni. Dânbu-in a tarlan angin thlantu zawng zawng zatve aia tam vote hmu ngei ngei a ngai a; nominee zinga mi pali chu vote hmu sang sang aṭangin thlan tlin an ni.
BMCF Quarters-ah Upa Exam neih a ni. Exam buatsaihtu Rev. C. Vanlalhruaia a ni a, Rev. Khiangnunfima leh Rev. Lalrohlua Pachuau ten an pui. Thlanchhuah mi pali te’n exam an hmachhawn a, an vaiin an paltlang.
Upa nemngheh inkhâwm neih a ni a, mi 245 vel kan inkhâwm. Rev. Khiangnunfima, BMCF Chaplain chu Presiding Minister a ni a, Rev. C. Vanlalhruaia, Rev. PC Lalnunzira, Rev. Zadingluaia Chinzah leh Rev. VHB Sathei ten an pui. Bangalore-a Zohnahthlak hnam hrang hrang Kohhran te an telpui bawk.
The four elected, examined and ordained — Mizo history’s first ordination of elders in a non-denominational church.
About the Elders →BMCF hian hun puma tualchhung enkawlna hna thawktu tur Chaplain a nei a. Chaplain tur hi uluk taka endik an nih hnuah lak ṭhîn a ni a; an term tawp hnuah dilna te tihchhuak lehin, ṭawngṭaina nen Chaplain tur lak ṭhîn a ni. Executive Committee-ah member niin, Quarterly report a pe ṭhîn a; full-time a nih avângin hna dang a thawk thiang lo.
Chaplain rawngbâwlna chu — member tlawh leh damlo kan, counselling, Chawlhkar Inkhâwm kaihhruaina, thlanthut leh chhiatni ṭhatni te a ni a. Pawl thuneihna (institutional authority) aiin thlarau lam thiltihtheihna (spiritual authority) dah pawimawh zâwkin, administrator nih aiin chhiahhlawh rawngbâwltu nihna a keng lian zâwk a ni.
Mizoram Presbyterian Kohhran chuan Mizoram pawn hmun hrang hrana rawngbâwl tur Chaplain dah chungchâng inrawnna nei turin palai a tir a. Ngun taka an ngaihtuah hnuah, kohhran mal rawngbâwltu Chaplain neih chu BMCF nihphung leh rawngbâwlna nen inhne rem theilo an ti a, rawtna chu pawm a ni lo.
Full-time worker kan mamawh dân chungchâng hi sawi tawh reng a ni a; kum 2019-ah zirchianna neih leh a, Chaplain neih theihna dân chu Constitution-ah dah turin Executive Committee in a pawm. February 8, 2020-ah zirchiangtu team ruat a ni.
Hna hming atan option pathum chhawpchhuah zingah “Chaplain” tih thlan a ni. Diltu thiamna — B.D. (Senate of Serampore) emaw M.Div. (ATA) emaw; Executive Committee-ah Quarterly report pe ṭhîn tur; full-time a nih avângin hna dang thawk thiang lo. Selection Panel, Rev. Joe Laldinpuia convener, ruat a ni.
Chanchinbu leh social media-ah advertisement chhuah a ni a, dilna July thla tâwp thleng lâk a ni. August 8, 2020-ah Zoom hmangin interview neih a ni a, Selection Panel rawtna angin Chaplain hmasa ber lak a ni.
Online General Body Meeting-ah (member 82 kalkhawm) Dânbu siamthat — Chaplain chungchâng telin — pawm a ni.
September 15, 2020-ah Chaplain hmasa ber Bangalore a thleng a; BMCF Quarters chu Chaplain awmna atan buatsaih a ni. September 30, 2020 aṭangin Executive Committee member a ni a. Pathianni inkhâwmah Rev. Joe Laldinpuia-in Induction a nei.
Three have held the post since it was created.
Rev. KhiangnunfimaSeptember 2020 – April 2023
V. LalrobuangaJuly 2023 – March 2025
H. LalremsangaApril 2025 aṭanginFifteen bodies under the Executive Committee, each with its own office bearers, plan and budget for the year. In the souvenir’s order.
Kristian ringtu ṭha ni tura ṭhalaite kaihhruai, Krista leh Kohhran tan a thawk tura infuih. Kumtin Project leh Budget a ruahman a — BṬP Group, Thlatin Bible Chhiar, Hruaitu Retreat, Sumtuakna leh Faith Promise.
Kohhranin hma a sawn theihna tur atan kawng hrang hrangin theihtawp a chhuah ṭhîn. Chaplain quarter enkawl, missionary chawm, damlo kanna leh hunpui decoration — BMCF hmasawnna kipui pawimawh tak pakhat a ni.
Naupangten Pathian thu leh an thlarau nun kawngah ṭhanlenna an neih theihna tur atana din. Kum 2024–25 ah hming ziak 135 an ni. “Naupang chu a kalna awm kawngah chuan zirtir ula, a upat hun pawhin a thlah lo vang.” — Thufingte 22:6
Pathian Biak inkhâwm te mumal leh felfai zawka hman a nih theihna tur atan ruahmanna felfai tak an nei ṭhîn. Member tinten tisa leh thlarau lamah ṭhanna an neih theih dân chu an dah laimu ber a ni.
BMCF sum leh thil neih, Biakin hmunhma engkim enkawl felfaitu ber. Project budget lut reng reng a lo endikin, a lo rem fel ṭhîn.
Pathianni-a Pathian Biakna hmun lam rawn pan remchang lote tan chawlhkar hun chhunga Pathian fakna leh chawimawina hun an lo neih ve theihna tur atana buatsaih.
BMCF rawngbâwlna hrang hrang midangten an lo hmuh theihna tur atan media platform hrang hranga tar chhuaktu. Pathianni inkhâwm chu inkhâwm ve theilo ten online hmanga an lo tel ve theihna tur atan live in a pe chhuak ṭhîn.
BMCF ten mahni puala Biakin an neih theih ngeina turin ruahmanna leh hmalakna kawng hrang hrang a dap ṭhîn.
BMCF-in a neih music leh sound system te hman dân leh vawn ṭhat kawngah mawh an phur. Pathian Biak inkhâwm apiangin music leh sound an buaipui.
BMCF din tirh aṭangin Missionary support hi a ngai pawimawh êm êm a, tûnah hian Missionary 14 thawhpui mekin, hei aia tam zawk thawhpui turin hma a la mek zel a ni.
Kohhranin rang zawk leh chak zawka member te a luh chhuah zung zung theihna atan Area Fellowship din a ni. Area tinah Leader leh Secretary ruat an ni a, member huikhawm leh tlawhchhuah kawngah hma an la ṭhîn.
BMCF Quarter a ṭul anga chei ṭhat leh thawm ṭhat kawnga mawhphurtu.
Thlatin Pathian Biak Inkhâwm atana Greeters leh Usher ruat, Reception lamah mawhphurhna. Inkhâwm thar apiangte tan register hna thawkin, lawmna thu sawi zawhah welcome gifts pek ṭhîn a ni.
Thlatin Sunday Zaihruaitu, Praise Team Retreat, M&E ṭawngṭai inkhâwm leh BṬP Praise Night — Tisa leh Thlarau-a hlawkna kan chan theihnân Praise and Worship neih ṭhîn a ni.
Inkhâwm apiangin inkhâwmte ei turin thingpui leh a hmeh buatsaih ṭhîn. Special Sunday leh hunpui ah ruai buatsaih a, fatu leh table duty ruat pawh an kutah a awm.
BMCF hi Mission Oriented Church — Mission rawngbâwlna dah pawimawh Kohhran — kan ni. Kum 1981-ah BMCF in thawhlawm ip a lâkhawm ṭan a, hemi kum aṭang hian thilpek tlingkhawm hmangin Mission Field leh Missionary te tanpuina atan thilpek a pe ṭan ta a ni. Kum 1981 hma lam chu Inkhâwm thawhlawm pangngai leh Krismas thawhlawm kan khawn ṭhîn a ni a, Pathian ram thawhlawm chu a hranin kan la lakhawm ngai lo.
Kum 1980 – 1990 chhung hian Kohhran/Pâwl hrang hrang 30 vel hnenah tanpuina hlan an ni a. Kum 25 dâwn BMCF a kal tawh hnu chuan chanchin ṭha hril rawngbâwlna hma sawn a ṭûl an ti a — Karnâtaka hi India rama ringlo mi tamna a nih avângin, Karnâtaka chhûnga chanchin ṭha hril rawngbâwlna thawktute thawhpui leh tanpui chu ṭha an ti a ni.
Kum 2000, BMCF Silver Jubilee kum khân Friends Missionary Prayer Band (FMPB) chu BMCF Mission partner hmasa ber a lo ni ta a, an hnuaiah Missionary pahnih support a ni. Kum 2002-ah Indian Evangelical Mission (IEM) leh Karnataka Evangelistic Association (KEA), kum 2004-ah Vishwa Vani leh Morning Star te thawhpui leh an ni. Kum 2012 April-ah Mission, Evangelism and Pastoral Care Committee din a ni a — remchan zawkna avângin leh hnathawh dân avângin Mission & Evangelism tih hming a lo pu ta a ni — tin, kum 2013 aṭangin YWAM Mizo te thawhpui leh an ni.
Missionary mal tin hnenah thlatin lawmman pêk a ni a, Krismas thilpek pawh kum tinin hlan a ni ṭhîn.
Thlatin Sunday hnuhnung ber inkhâwm banah Missionary support te tan Praise Team te nen ṭangkawpin ṭawngṭai inkhâwm neih ṭhîn a ni.
Kumtin hian kan missionary support te zinga mi 1 tal an rawngbâwlna te hmuhpuia tlawh ṭhîn a ni — FMPB office, Vishwavani Challakere, YWAM Headquarters, KEA Hosamane leh IEM Chitradurga field te an zînga mi a ni.
Dânbu-in a tarlan angin kumtin January Pathianni hnuhnung ber hi Mission Sunday hman ṭhîn a ni a, kan missionary support te zinga mi te be kualin inkhâwm min hmanpui tura sawm ṭhîn a ni.
Mission Sunday hmaah zân khat lêng Mission Week hun hman ṭhîn a ni a, mission hna thawktute leh mission pâwl hruaitute resource person atan sâwm an ni ṭhîn.
Mission partner te kaltlanga kan rawngbâwlna aia thuk zâwk, keimahni pual mission field neih a Missionary tirhchhuah chungchâng hi kum 2022-ah Dânpui-ah ziahluh a ni ta a. BMCF Missionary lâk hi kan hmabâk a la ni.
The fellowship has never stood alone. Where it has worshipped, whom it has helped, and who has recognised it — each partner pinned at the year it began, as the souvenir dates them.
1975–1985 chhung hian UTC campus ah BMCF an inkhâwm ṭhîn a, engkim tihkhawmna hmun chu UTC a ni. 2020 aṭangin UTC campus ah inkhâwm ṭan leh a, vawiin thlengin kan inkhâwm chhunzawm ta a ni. 2025 — UTC Ranson Hall sakna atan cheng nuai 3 chuang donate a ni.
1975 — Inkhâwm hona neih a ni. Kumtin Bible Sunday thawhlawm Bible Society ah pek a ni. 2024 — Bible Sunday ah Rev. Dr. W. Along Jamir, Director (Translation), min rawn hmanpui a; tanpuina atan Rs 10,000 pek a ni.
Baptist Church of Mizoram (Christian Hospital, Serkawn), Salvation Army, Evangelical Church of Maraland, LIKBK, Isua Krista Kohhran leh Roman Catholic Church. 1994 — Book of the Year “Kum 100 Kristian Zofate Hmabak” hralhna sum aṭangin Mizoram Kohhran hrang hrang tanpui an ni. 2023 — rampawn-a rawngbâwlhona leh thawhhona chungchângah lehkha thawn an ni.
Synod Hospital, Karbi Anglong leh Arunachal Mission tanpuina. 1987 — BMCF Chairman Rev. H. Remthanga chuan Mizoram Presbyterian Synod hnen aṭangin BMCF-a serh leh sang khawih phalsakna lehkha a dawng. 1988 — Rev. Dr. Zaihmingthanga chu BMCF-a Lalpa Zanriah sacrament leh Baptisma tih phalna an pe.
1982 — Cachar Bengali Kohhran leh Tripura Presbyterian Kohhran Missionary te tanpuina. 1988 — Siliguri Missionary Rev. H. Sangkhuma rawngbâwlna tanpuina. 1993 — ECM Ordained Minister, Sudan rama missionary kal tum tanpuina. 1994 — TBZ missionary pahnih te an harsat avângin puih an ni.
Guwahati, Pune, Tura leh Hyderabad Mizo Kohhran te tanpuina leh intlawhtawnna. 2017 — BMCF-in Zoram Pawn Mizo Fellowship Inkhâwmpui vawi khatna a huaihawt a, Pondicherry, Chennai, Vellore, Mysore, Kerala, Hyderabad, Pune, Mumbai leh Goa aṭangin palai 71 an lo kal. 2023 — vawi hnihna BMCF-in a huaihawt leh a, palai 52 an lo tel.
Mizo, Zomi, Hmar, Vaiphei, Kuki, Chin, Zou leh Mara. 2019 — BMCF-in Unau Joint Fellowship a huaihawt a, unau church 11 an lo tel. 2021 — Bangalore Unau Churches Joint Committee din a ni. 2023 — Unau Joint Advance Christmas thawhlawm Rs 80,000 chu Manipur Unau te tanpuina atan pek a ni. 2024 — mi 600 chuan kan kalkhawm.
2021 — BMCF leh Bangalore Baptist Hospital te partnership agreement signed a ni; blood donation ah mi 40 in thisen kan pe. BBH hian BMCF member tan Shepherd Card min siamsak a, hemi hmang hian 10–15% discount pek kan ni.
Sources: BMCF Golden Jubilee Souvenir Bu 1975–2025, Bangalore Mizo Christian Fellowship, 2025 — “BMCF Inrelbawl Dân” and “BMCF Pawl/Kohhran Dang Nen Thawhhona”, pp. 52–60; the BMCF Dânbu (Chhùt Rukna, 2022); and the Executive Committee and General Body minutes, 2019–2026, for the dates in sections III, IV and VI. Condensed; the souvenir lists some eighty dated gifts and visits, of which this page keeps the ones that changed something. The photograph behind the masthead is Mission Sunday 2024, in the fellowship’s photo archive.
